Brooklyn Beckham, sonur Victoriu og David Beckham, er hættur að tala við fjölskylduna. Sagt er að hann hafi greint fjölskyldunni frá því að hann vilji loka alveg á samskipti við þau og að hann muni ekki svara skilaboðum frá þeim. Page Six greinir frá.
Það hefur verið hávær orðrómur um fjölskylduerfiðleika þar sem Brooklyn og eiginkona hans, Nicola Peltz, eru í miðjunni.
En nú virðist dramað hafa náð hápunkti og segja heimildarmenn að Brooklyn hafi ákveðið að loka tímabundið á foreldra sína og systkini, Romeo, Cruz og Harper. Systkinin hafa alla tíð verið mjög náinn, fyrr en nú.
En annar heimildarmaður segir að þetta sé ekki satt og sagði við Page Six að fjölskyldan væri að einblína á hvað sé fram undan hjá David Beckham, en fyrrverandi knattspyrnustjarnan verður slegin til riddara í næstu viku.
Sjá einnig: Versta martröð Victoriu Beckham orðin að veruleika
