Kylian Mbappe missti nokkur kíló á meðan hann dvaldi á sjúkrahúsi í Bandaríkjunum með magabólgu.

Franski framherjinn er útskrifaður og hefur hafið æfingar á nýjan leik en liðið er statt í Bandaríkjunum.

Liðið er þar til að taka þátt í HM félagsliða en Marca á Spáni segir að nokkur kíló hafi farið af Mbappe á sjúkrahúsinu.

Hann sást í ræktinni þar sem fjölmiðlar tóku eftir því að hann ver ekki jafn massaður og áður.

Mbappe er á sínu fyrsta ári með Real Madrid sem var nokkuð vonbrigði þar sem liðið vann hvorki deildina né Meistaradeildina.

Búist er við Mbappe geti eitthvað tekið þátt í mótinu en hann er þó enn að jafna sig eftir sjúkrahúsdvölina.