Manchester City er á fullu að sækja unga leikmenn í akademíu sína og eru þrír á leiðinni frá öðrum enskum félögum.

City er með þá stefnu að ná í unga og efnilega leikmenn og leyfa þeim að þróast hjá sér. Fengu þeir til að mynda einn mest spennandi leikmann heims, hinn 18 ára gamla Sverre Nypan frá Rosenborg í Noregi á dögunum.

Nú er félagið að sækja þrjá til viðbótar, þó töluvert yngri en Nypan. Um er að ræða hinn 16 ára gamla Dexter Oliver frá Tottenham, Freddie Lawrie frá Aston Villa, en hann er einnig 16 ára, og loks hinn 14 ára gamla Kaylum Moss frá Liverpool.

Allt eru þetta miðjumenn sem koma inn í yngri lið City á næstunni.